Watupiana lawama uwapo wa machinga

Dar es Salaam

Wakati wafanyabiashara wakiendelea kumiminika eneo hatarishi la mitambo ya umeme ya Ubungo, uongozi wa Shirika la Umeme Tanzania (TANESCO), ukidai Halmashauri ya Kinondoni, Songas, Sumatra na Polisi ndio inahusika na usalama wa eneo hilo.

Eneo la Ubungo kwenye mitambo ya gesi ya Songas ni kati ya maeneo hatarishi ambayo hayapaswi kuwa na mkusanyiko mkubwa wa watu hasa nyakati za jioni na usiku kama ilivyo sasa.

Wakati hali ikiwa mbaya katika eneo hilo, Mamlaka ya Udhibiti wa Usafiri wa Nchi Kavu na Majini (SUMATRA) na Kikosi cha Usalama Barabarani wamedai kuwajibika kuwabana machinga, bodaboda na madereva wa mabasi ya usafiri watakaosimama katika maeneo hayo yenye msongo mkuu wa umeme.

Msemaji wa shirika hilo, Adrian Severin kwa upande wake amesema eneo linalohusu Tanesco, wamefanikiwa kuzungushia uzio.

Meya wa Manispaa ya Kinondoni, Yusuph Mwenda alisema kwa sasa wanaandaa mpango wa kuwazungushia uzio eneo hilo au kuweka utaratibu ambao utawafanya wasionekane eneo hilo kwani ni kati ya maeneo hatari huku SUMATRA wakiahidi kuendeleza “operesheni kamatakamata.”