Exim yazid kuboresha bustani za Dar

Dar es Salaam

Katika juhudi zake za kuendelea kupendezesha jiji la Dar es Salaam, Benki ya Exim Tanzania imesema inalenga kupanua zaidi msaada wa kuhudumia bustani mbalimbali.

Benki hiyo, kwa kupitia kampeni yake ya kupendezesha jiji la Dar es Salaamiliyozinduliwa mwanzoni mwa mwaka 2012, inatoa mchango mkubwa katika kuhudumia bustani zilizopo katikati ya jiji la Dar es Salaam.

“Benki inahudumia jumla ya bustani tatu zilizopo katika maeneo tofauti jijini, ambazo ni pamoja na Bustani ya Ohio, Clock Tower na Kariakoo.Hadi hivi sasa bustani nyingi zinazohudumiea na benki yetu zimekuwa zikiwavutia watu wengi na hili limetupa ari zaidi ya kuzifikia bustani nyingine katika jiji hili,” alisema Afisa Mtendaji wa Benki hiyo Dinesh Arora.

“Dar es Salaam ni kitovu cha biashara cha Tanzania ; hii inapelekea uwepo wa wageni wengi wanaotembelea jiji hili.

Takwimu zinaonyesha kuwa mwaka 2013, Tanzania ilipokea zaidi ya watalii milioni moja, ambapo wengi wao walipitia jiji la Dar es Salaam.

Alisema mchaakto wa kupendezesha jiji, unaofanywa na Benki ya Exim umelenga kusaidia harakati za serikali na kuboresha mwonekano wa jiji kwa wageni kutoka ndani na nje ya nchi.