Dewji tajiri zaidi Afrika Mashariki

Dar es Salaam

Mfanyabiashara maarufu nchini, Mohammed  ‘Mo’ Dewji (39), amezidi kupaa kwa utajiri, kiasi cha sasa kuwa ndiye bilionea kijana zaidi katika nchi za Afrika Mashariki, lakini pia akitajwa ndiye bilionea kijana zaidi barani Afrika.

Kwa mujibu wa ripoti ya jarida la Ventures Afrika toleo la juzi, mfanyabiashara huyo ambaye pia ni Mbunge wa Singida Mjini, anashika nafasi ya 24 ya mabilionea 55 Afrika, wakiongozwa na Aliko Dangote wa Nigeria.

Dewji anayemiliki kampuni tanzu ya Mohammed Enterprises Tanzania Ltd (MeTL) yenye utitiri wa kampuni, ametajwa kuwa na utajiri wa dola za Marekani bilioni 3( Sh trilioni 3.4), hivyo kumfanya Mtanzania tajiri zaidi, akimpiku Rostam Aziz aliyewahi kutajwa na jarida la Forbes kuwa ndiye tajiri wa Tanzania.

Kwa sasa, kwa mujibu wa jarida la Ventures Afrika, Rostam anashika nafasi ya pili kwa utajiri Tanzania akiwa na utajiri wa dola za Marekani bilioni 1.2(Sh trilioni 2), lakini kwa Afrika akishika nafasi ya 40.

Ni Dewji na Aziz tu, ndio Watanzania pekee katka orodha hiyo ya mabilionea 55 bora Afrika kwa mwaak huu.