Shule yafungwa kwa kukosa wanafunzi

Rombo, Kilimanjaro

Shule ya msingi Namfua iliyopo Wilayani hapa Mkoa wa Kilimanjaro imefungwa kwa kukosa wanafunzi.

Mkuu wa wilaya ya Rombo, Elinas Pallangyo aliyasema hayo jana katika Baraza la Madiwani na kuongeza kuwa,  zipo shule nyingine takribani nane ambazo ziko mbioni kufungwa kwa sababu hiyo.

Pia alisema Halimashauri ya wilaya hiyo amevifunga viwanda 21 vinavyo tengeneza pombe haramu inayodaiwa kupunguza nguvu za kiume.

Alisema viwanda hivyo vilisababisha baadhi ya watu kunywa pombe hata saa za kazi, alisema kwa zaidi ya miaka miwili sasa, Wilaya imekuwa ikipambana na tatizo la pombe haramu, lakini uzalishaji huo ulikuwa unaendelea.

Alisema Rombo imekuwa ikiongoza kwa utemgenezaji pombe haramu za kienyeji zisizo na viwango.

“Halimashauri imeamua kufunga viwanda 21 vinavyozalisha pombe hizo zinazo haribu afya za vijana kupunguza uzazi katika Wilaya hii na kukosa wanafunzi kutokana na uzazi kupungua kwa kiasi kikubwa,” alisema Pallangyo.

Mkurugenzi wa Halimashauri hiyo, alisema wameziomba Taasisi za dini kwa jamii hususani madhara ya pombe hizo.