Serikali yaipongeza Samsung kwa kupambana na bidhaa feki

Dar es Salaam

Serikali imeipongeza Kampuni ya Vifaa vya Kielektroniki ya Samsung kwa jinsi inavyoshirikiana nayo kutokomeza uigizaji wa bidhaa feki nchini.

Kauli hiyo ilitolewa mwishoni mwa wiki na Waziri wa Wizara ya Mawasiliano, Sayansi na Teknolojia, Profesa Makame Mbarawa, wakati wa uzinduzi wa Samsung Galaxy Note 4.

Alisema uigizaji wa bidhaa feki una madhara makubwa na unachangiwa na ubinafsi wa wachache.

“Ni wajibu wetu kama wizara kwa kushirikia na wadauwengine wenye nia njema kama wizara kwa kushirikiana na wadau wengine wenye nia njema kama Samsung ambao watatusaidia kugundua njia za kutokomeza vitendo hivi vibaya,” alisema na kuongeza;

“Vifaa vinavyoingia sokoni kinyume cha sheria siyo tu zinazorotesha uchumi bali pia zinawadhulumu Watanzania haki yao kama wateja walengwa.”

Profesa Mbarawa alisema wao kama Wizara ya Mawasiliano,Sayansi na Teknolojia wanatambua mchango wa Samsung Electronics Tanzania katika kuleta mabadiliko ya kiteknolojia kupitia bidhaa zake mbalimbali.