Walimu watumia mihogo kuandikia ubaoni

Kagera

Walimu wawili wanaojitolea Shule ya Msingi Msali, Kata ya Nyakahura, Wilayani Biharamulo, mkoani Kagera wanatumia vipande vya mihogo mikavu na mkaa kuandikia ubaoni baada ya kukosa chaki.

Wakizungumza shuleni hapo, walimu hao walisema hawana chaki za kuandikia na kwamba wanatumia vitabu viwili vya hesabu na Kiswahili kufundishia wanafunzi 200.

Mwalimu mkuu wa shule hiyo, Evelina Jeremiah alisema shule hiyo ilianzishwa mwaka jana kutokana na uwapo wa watoto wengi ambao hawajaenda shule, lakini haijasajiliwa.

“Shule haijasajiliwa, lakini inaendelea kutoa elimu kwa watoto katika mazingira magumu,” alisema Mwl. Jeremiah.

Alisema wazazi walianzisha banda la kuwafundishia watoto kusoma, kuandika na kuhesabu hali iliyosababisha kuajiri vijana waliomaliza kidato cha nne.