Mtoto aliyefaulu la saba nusura atolewe kafara

Kilimanjaro

Jeshi la Polisi mkoani Kilimanjaro limemtia mbaroni mganga mmoja wa jadi anayedaiwa kuteka watoto kwa njia za kishirikina kwa ajili ya kutolewa kafara.

Mbali na mganga huyo, pia wametia mbaroni mwanamke mmoja, anayedaiwa kusuka mipango ya kutekwa nyara kwa watoto na kuwahifadhi kwa mganga huyo.

Mganga huyo ambaye anayedaiwa ni mwenyeji wa mkoani Mbeya, alikutwa na mtoto wa kike mwenye umri wa miaka 13, akiwa tayari amepumbazwa tayari kumpeleka Mbozi mkoani Mbeya.

Mtoto huyo aliyemaliza darasa la saba mapema mwaka huu Shule ya Msingi Majengo katika Manispaa ya Moshi ni miongoni mwa waliofaulu katika mtihani wa Taifa.

Kwa mujibu wa habari hizo, mganga huyo anadaiwa kushirikiana na mwanamke mmoja, mkazi wa TPC kula njama za kumteka mtoto huyo.

“Huyo mwanamke ndiye alishirikiana na huyo mganga kumteka mtoto kwa lengo la kumpeleka Mbozi, mkoani Mbeya na ajabu ni kwamba naye alikuwa akishiriki kumtafuta,” imedokezwa.