Marekani na China kupunguza hewa chafu

China na Marekani zimeweka wazi mipango yao mipya ya kupunguza hewa chafu, wakati viongozi wa nchi hizo walipokutana mjini Beijing.

Rais wa Marekani,Barack Obama ameweka malengo ya kupunguza kiasi cha gesi hiyo kwa 26%-28% ifikapo mwaka 2025,tofauti na kiasi kilichowekwa mwaka 2005.

China haikuweka lengo maalum isipokua amesema ina nia ya kupunguza kiwango cha gesi hiyo ifikiapo mwaka 2030.

Hii ni mara ya kwanza kwa China, ambayo ni nchi inyoongoza kwa uchafuzi wa hali ya hewa kuweka muda maalum wa kupunguza hewa ya ukaa.

Taarifa hii imekuja wakati huu ambapo Obama amefanya ziara ya kiserikali mjini Beijing, baada ya mkutano wa bara Asia.

Tangazo hili ambalo halikutegemewa kutoka kwa nchi hizo mbili ambazo hutoa 45% ya hewa chafu litachochea mwamko wa makubaliano ya kupunguza hewa chafu baada ya mwaka 2020, maridhiano yanayotarajiwa kutamatishwa mjini Paris mwakani.