Mitaji midogo kikwazo kwa vikundi

Dar es Salaam

Ukosefu wa mbinu za kuboresha bidhaa, mtaji mdogo, matatizo ya afya na ukosefu wa mbinu za kuendeleza mikopo midogo ni miongoni mwa matatizo yanayowakabili wanawake waliojiajiri katika shughuli za usindikaji vyakula na utengenezaji wa bidhaa za mikono.

Hayo yalibainishwa na wanawake wajasiriamali kutoka kikundi cha Vimosewa nchini India ambao wako nchini kwa warsha ya siku mbili kwa ajili ya kubadilishana uzoefu na wanawake wajasiriamali wa Dar es Salaam.

Akizungumzia uzoefu katika sekta ya ujasiriamali kutoka India, Mirai Chatterjee alisema wanawake wengi waliojiajiri wanashindwa kuendelea kutokana na kukosa ujuzi wa namna ya kuongeza thamani kwa bidhaa wanazozalisha ili kuvutia soko kubwa zaidi.

Alisema changamoto ya mitaji pia huwakabili wajasiriamali wengi, hivyo kuwataka wale wa nchini kuanzisha vyama vyao vya kuweka na kukopa, jambo litakalowawezesha kujiongezea mtaji kwa kulipa riba nafuu.

“Tumenza harakati hizi za kujikomboa kiuchumi, takribani miaka 30 iliyopita. Pamoja na ukongwe tuliokuwa nao, bado tuna changamoto ndogondogo zinatukabili, alisema.