Exim yafungua tawi Lumumba

Dar es Salaam

Benki ya EXIM Tanzania, imeendelea kutanua wigo kwa wateja wake nchini kwa kufungua tawi jipya mtaa wa Lumumba, jijini Dar es slaam.

Tawi hilo la Ushirika linaongeza idadi ya mtandao wa matawi ya Benki hiyo ambayo yameendelea kusambaa nchi nzima.

Akizungumza wakati wa hafla fupi jijini Dar es slaam jana,

Mkuu wa kitengo cha uperesheni wa Exim, Eugen Masawe, alisema  tawi hilo jipya linaipa fursa nyingine Benki kutoa huduma zake za kipekee kwa wateja wake.

“Tunayo furaha ya kutangaza kuwa tawi la Ushirika sasa limefunguliwa rasmi.kutokana na urahisi wa upatikanaji wa huduma “ alisema Masawe.

Alisema tawi hilo jipya ni uthibitisho pekee wa ukuaji thabiti wa biashara ya Benki yake, ongezeko la idadi ya wateja na jitihada zake za kutoa huduma za kipekee kwa wateja wake na jamii yote ya biashara nchi nzima.

Tumekuwa na mkakati wa kumuweka mteja mbele, ambavyo umetuwezesha kupeleka huduma zetu pale ambapo pana wingi wa wateja wetu.