Milioni 41/- zapatikana kwa gawio la utalii

Dodoma

Fedha taslimu Sh milioni 41.704 zilipatikana katika mwaka 2001-2014 kutokana na gawio la asilimia 20 inayopatikana kutokana na shughuli za utalii kila mwaka.

Kati ya fedha hizo wananchi wameshachukua Sh milioni 37.117 na Sh milioni 4.587, ambazo ni za mwaka 2012/2013 na 2013/2014, zipo tayari kugawiwa kwa wananchi muda wowote taratibu za ugawaji zitakapokamilika.

Hayo yalisemwa bungeni mjini hapa jana na Naibu Waziri wa Maliasili na utalii, Mahamuod Mgimwa alipokuwa akijibu swali la mbunge wa Muheza Herbat Mutangi (CCM) aliyetaka kufahamu namna Halimashauri ya wilaya ya Muheza ilivyonufaika na Hifadhi ya Misitu ya Amani.

Mgimwa alisema kwa mujibu wa sheria inanapotokea mauzo ya Mazao ya Misitu ya kwenye mpaka wa Hifadhi hiyo, Halimashauri inapewa asilimia 5 ya mapato kutokana na tozo na kwamba Halimashauri ya Wilaya ya Muheza ilipatiwa sh milioni 18.018 mwaka 2012.

Alisema faida nyingine iliyopatikana ni upatikanaji wa maji wakati wote, ambapo Halimashauri hiyo inapata mapato kutokana na malipo ya maji yanayosambazwa kwa watumiaji katika mji wa Muheza.