‘Msimpishe mwekezaji kabla ya fidia’

Kilwa

Wananchi wametakiwa kukataa kutoa ardhi yao kwa ajili ya kupisha miradi mbalimbali ya wawkezaji kabla hawajalipwa fidia zao.

Katibu Mkuu wa CCM, Abdulrahman Kinana alisema hayo wilayani Kilwa juzi katika mkutano wa hadhara uliofanyika kwenye Uwanja wa Mkapa.

Alisema wapo baadhi ya watu ambao wamechukuliwa ardhi yao waliyokuwa wanaitumia katika shughuli za uzalishaji mali ikiwamo kilimo, lakini hadi sasa hawajalipwa fidia.

Kinana aliitaka Serikali kutotumia nguvu katika kusimamia na kuzuia baadhi ya mambo yanayofanywa kinyume cha sheria kwa wananchi.