Waziri - Elimu inahitajika kuchinja kuku

Na Mwandishi wetu, Rungwe

Naibu waziri wa Elimu na mafunzo ya ufundi, Jenister Mhagama amewataka wanafunzi wa shule ya sekondari ya GOD’s Bridge kuongeza bidii katika masomo kwa kuwa nchi imefika kipindi ambacho hata  wachinja kuku wawe na elimu ya kidato cha nne.

Mh. Mhagama alisema hayo katika mahafali ya kwanza ya wanafunzi wa kidato cha nne shule hiyo iliyopo wilayani Rungwe, hafla ambayo aliitumia kufungua shule hiyo. Waziri alisema alishtushwa na tangazo la kazi za wachinja kuku linalo taja sifa za watu walio faulu kidato cha nne kwa kuanzia daraja la tatu.

Alisema aliliona tangazo hilo wakati alipokuwa amepumzika wakati wa safari yake kutoka Dar es slaam kuja Mbeya .  Kwa kweli tangazo lile na dalili kwamba wakati umefika kwa kila mwanafunzi kukaza buti kwani kila kazi itahitaji elimu ya kutosha pamoja na ujuzi alisema Waziri Mhagama.