Tumedhamiria kupanua huduma Tanzania…Zantel

Mwenyekiti wa Bodi wa kampuni ya simu za mkononi, Zantel, Bw. Essa Al Haddad (kushoto) akiongea na Mkurugenzi Mtendaji wa Zantel, Bw. Pratap Ghose (katikati) na Mkurugenzi wa Masoko wa kampuni hiyo, Bw. Sukhwinder Bajwa (kulia) wakati wa uzinduzi wa duka jipya la huduma kwa wateja Zantel lililopo mtaa wa Samora jijini Dar es Salaam jana.

Mwenyekiti wa Bodi wa kampuni ya simu za mkononi, Zantel, Bw. Essa Al Haddad (kulia) akiongea na Mkurugenzi Mtendaji wa Zantel, Bw. Pratap Ghose (kushoto) na Mkurugenzi wa Masoko wa kampuni hiyo, Bw. Sukhwinder Bajwa (katikati) wakati wa uzinduzi wa duka jipya la huduma kwa wateja Zantel lililopo mtaa wa Samora jijini Dar es Salaam jana.

Na Mwandishi wetu, Dar es Salaam

Taarifa kwamba kuna uwezekano wa kampuni za simu za Vodacom na Millicom International Cellular inayofanya biashara kama Tigo, kununua asilimia 65 ya hisa za Etisalat Group katika kampuni ya simu za mkononi ya zantel, zimekanushwa.

Uongozi wa Zantel umesema taarifa hizo si za kweli.

Jumatano ya wiki hii, gazeti moja la kiingereza la kila siku liliripoti kuwa kampuni ya Etisalat kwa kushirikiana na Deutsche Bank AG inaangalia uwezekano wa kuuza hisa zake asilimia 65, hatua ambayo imezivutia Vodacom Group Ltd na Millicom International Cellular.

“Hizi ni taarifa za magazeti tu,” Mwenyekiti wa Bodi ya Zantel, Bw. Essa Al Haddad aliwaambia waandishi wa habari jana alipokuwa akifungua duka jipya la Zantel lililopo mtaa wa Samora jijini Dar es Salaam.

Alifafanua kuwa badala ya kuuza hisa zake 65, Etisalat Group ilitangaza hivi karibuni kuongeza hisa zake Zantel kufikia asilimia 85, hilo likiwa ni ongezeko la asilimia 20.

Asilimia nyingine 15 zinamilikiwa na serikali ya Zanzibar.