Kenya kutangaza viza ya pamoja

Nairobi, Kenya

Kenya imeanza kutangaza mpango wa matumizi wa vitambulisho vya uraia na viza ya pamoja ya kusafiria katika nchi tatu za jumuiya ya Afrika mashariki (EAC).

Hatua hiyo inatokana na Shirikisho la Utalii Kenya (KTF) na Kampuni ya Trade Mark East Africa (TMEA), kuhamasisha matumizi ya viza hiyo katika utalii.

Ofisa mtendaji wa (KTF) Agatha Juma alisema uamuzi wa kuitangaza viza hiyo unatokana na watu wengi kushindwa kuitumia licha ya kutambulika kisheria .

Alisema idadi ya watu waliojitokeza katika nchi tatu za Kenya Rwanda na Uganda kutumia viza hiyo ni ndogo. Agatha alisema kuanzishwa kwa viza hiyo kulilenga kuwarahisishia wanaAfrika mashariki kutoka nchi moja kwenda nyingine kwa urahisi.