Klabu ya Lions International yatoa Sh20 bilioni kuokoa watoto

Waziri wa afya na ustawi wa jamii Dkt. Seif Seleman Rashid kulia akifurahi jambo na msimamizi mkuu wa mradi wa Measles Rubella Tanzania kutoka Klabu ya Lions International , Bw.Abdul Majeed Khan wakati mara baada ya kuzindua kampeni ya chanjo zidi ya Suluwa na Rubella inayotolewa kwa watoto kuanzia umri wa miezi tisa mpaka miaka 15 kwa nchi nzima, klabu hiyo imetoa jumla shilingi bilioni ishirini ili kufanikisha kampeni hii ya kutokomeza suluwa na rubella nchini. kulia ni mmoja kati  wasimamizi wa mradi huu.

Na Mwandishi wetu, Dodoma

Klabu ya Lions Internation imechangia takribani Shilingi billion 20 ($12 milioni) katika kampeni shirikishi ya chanjo ya surua-rubela ambayo inalenga kufikia watoto zaidi ya million 20 nchini kote.

Katika kampeni hiyo ya siku saba kuianzia tarehe 18 mwezi huu, watoto wenye umri kati ya miezi tisa na miaka kumi na mitano watapata chanjo hiyo ikiambatana na matone ya vitamin A, na dawa za minyoo tumbo huku watu wazima wakipata kinga tiba dhidi ya matende, mabusha, ngiri maji pamoja na minyoo.

Akizungumza na waandishi wa habari siku ya jumamosi, mratibu wa surua-rubela wa klabu ya Lions nchini  Mr Abdul Majeed Khan alisema ushiriki wa klabu yake ni ishara kuwa taasisi za huduma nchini zina wajibu wa kuchangia katika kuboresha afya za watanzania.

“Ni matumaini yetu kuwa kwa mchango wetu huu, na michango ya wadau wengine wa masuala ya afya kwa ajili ya kampeni hii, itawezesha kufikia angalau watoto million 21 na kuwakinga na magonjwa haya hatarishi, “ alisema Bwana Khan ambaye pia ni Gavana wa zamani wa Wilaya ya 411B ya Klabu ya Lions.

Wilaya hiyo hushirikisha nchi za Tanzania na Uganda.

Naye gavana mstaafu mwanzake wa Wilaya hiyo hiyo Bwana Wilson Ndesanjo alisema kuwa kupitia wanachama wake waliotapakaa duniani kote Lions iliweza kukusanya $7.5 milioni (sawa na Shilling 12.37 billion) huku kiasi kungine kikichangiwa na umoja wa Global Alliance for Vaccines and Immunizations (GAVI).

Pamoja na shughuli zingine klabu ya Lions Tanzania imekuwa ikichangia katika kuboresha sekta ya maji nchini kwa kuchimba visima mashuleni na vijijini.