Uhaba wa dawa, vifaa ,tiba mzigo kwa serikali

Na Mwandishi wetu, Dar es salaam

Suala la uhaba wa dawa na vifaa tiba katika hospitalini nchini ikiwamo Taasisi ya Saratani ya Ocen Road, limeonekana kuielemea Wizara ya Afya baada ya Waziri wa Afya na Ustawi wa jamii, Dk Seif Rashidi kuthibitisha, huku akidai kuwa Serikali itapeleka fedha kwa awamu Bohari ya Kuu ya Dawa ili kupunguza uhaba huo.

Waziri Rashidi alikiri kuwa MSD inadai Serikali kiasi cha Sh90 billioni, jambo ambalo linafanyika bohari hiyo kushindwa kununua dawa kutoka kwa wauzaji ndani na nje ya nchi.

“Ni kweli bohari kuu ya dawa imepungukiwa fedha za kununulia dawa lakini siyo kwa kiasi cha kushindwa kutoa huduma kabisa kama inavyoelezwa. Kiasi cha pesa kinachotajwa si kigeni na serikali imekuwa ikitoa kiasi cha fedha kidogo kidogo ili kuongeza uwezo wa bohari ya dawa kununua na kusambaza dawa,” alisema Waziri

Hivi karibuni kulikuwa na uhaba wa dawa Taasisi ya ORCI na kufuatiwa na taarifa kutoka shirika lisilo la kiserekali la Sikika ambayo ilieleza kuwa Serekali haijalipa kiasi cha Sh90 bilioni kwa MSD.

Waziri Rashidi alikiri kuwapo kwa ukosefu wa matibabu OCRI kutokana na uhaba wa dawa na ubovu wa baadhi ya mashine za mionzi.

Kadhalika Waziri alionyesha kuwa suala la ORCI ni zito kwa serikali baada ya kusema kuwa matibabu katika taasisi hiyo hutolewa bila malipo.