Maofisa habari wakutana kujadili uharibifu unaofanya miundombinu ya DART

Mkurugenzi wa Utawala, Rasilimali watu na Mawasiliano wa Wakala wa Mradi wa Mabasi yaendayo haraka (DART) Bw. Evodius Katare akizungumza akisisitiza jambo wakati alipokutana na Maafisa Habari, Mawasiliano ambao Taasisi zao ni wadau wakuu wa mradi huo jijini Dar es Salaam mwishoni mwa wiki, wakati wa kujadili na kupanga mikakati ya namna ya kukabiliana na vitendo vinavyoshimiri vya uharibifu wa  miundombinu ambayo imeshakamilika.

Na Mwandishi Wetu, Da es Salaam

 KUSHAMIRI kwa vitendo vya uharibifu na wizi unaondelea kwenye miundombinu ambayo imeshajengwa kwa mabasi yaendayo haraka (BRT), Maofisa wa Habari na Mawasiliano ambao Taaasisi zao zinahusika moja kwa moja na mradi wamekutano jijini mwishoni mwa wiki ilikupanga mikakati ikiwemo kutoa elimu zaidi kwa jamii juu ya umuhimu wa kuilinda miundombinu.

Kwa pamoja, maofisa hao wamekubali kushirikiana kwa pamoja na Wakala wa Mradi wa Mabasi yaendayo Haraka (DART), kutoa elimu ya kutosha kuhusu mradi, umuhimu wake na jinsi utakavyoweza kusaidia kupunguza msongamano na nilazima ilindwe.

Akizungumza mara baada ya kikao na maafisa habari na mawasialiano pomoja baadhi ya wadau wakuu wa mradi huo, Mkurugenzi wa Utawala, Raslimali Watu na Mawasiliano wa DART Bw. Evodius Katare alisema mkakati mkubwa uliopo sasa ni kutoa elimu ya kutosha kwa wananchi ili kuelewa faida  na umuhimu wa mradi.

“Kila mtu anayepita ama kutumia chombo cha moto au kwa miguu katika mradi atakuwa ni shahidi kutokana na uharibufu mkubwa unaofanywa na watu wasio waminifu wala uchungu wa pesa zilizotumika kuijenga miundombinu hii ya kisasa,” alisema Katare.

Bw. Katare aliwaomba wataalumu hao habari na mawasiliano kufanya kazi kwa pamoja katika kutoa elimu kwa jamii inayozungukwa na mradi na wananchi wote kwa ujumla juu ya umuhimu wa kulinda miundombinu.

“Miundo mbinu hii ni ya jamii, hivyo wananchi wenyewe wanapaswa kuelimishwa kuwa mradi huu ni wa kwao na si wa mtu mwingine,” aliongeza Mkurugenzi huyo.

Alisisitiza kuwa kila mtu anatakiwa kuwa mlinzi wa mwenzake hakuna haja ya kusubiri vyombo vya dola ama serikali ianze kukemea uharibifu unaofanywa na baadhi ya watu wasiopenda maendeleo.

“Naomba tusisubiri vyombo vya dola ama viongozi wa serikali kukemea hili, tuwe wazalendo na nchi yetu, kila mtu aguswe na aone kama mradi huu ni wake na kwa kufanya hivyo tutasonga mbele,” alisisitiza.

Kwa upande wake Afisa Habari wa jiji Bw.Gaston Makwembe alisema wao kama jiji wanaomba wananchi waone kuwa mradi huu ni mkombozi kwao hasa kutokana na changamoto za usafiri zilizopo kwa sasa katika jiji.

“Lengo la serikali ni kuboresha huduma ya usafiri katika jiji hili na hivyo basi ni jambo la busara kuitunza na kuingalia miundo mbinu hii mizuri iliyopo isiharibiwe,”alisema Makwembe.

Aliongeza kuwa wananchi watambue kuwa kuharibu miundo mbinu ni kosa na ni kurudisha nyuma jitihda za serikali na kuwakatisha tamaa watanzania wanaopenda kuona sekta ya usafiri inaboreka.

Nae Bi. Aisha Malima ambae ni afisa habari kutoa wakala wa barabara nchini (TANROADS) alisema wananchi wanawajibu wa kujua kuwa miundombinu hii imejengwa kwa kodi zao wenyewe, wanatakiwa kuwa na uchungu na kile kinachotendeka kwa sasa.

“ Sisi kama Tanroads  tunaona kuwa hii ni hujuma, lakini pia mwananchi anatakiwa kuwa na uchungu kodi yake ndio imetumika na si vinginevyo,”alisema Aisha.

Aliongeza kuwa kutokana na uharibifu unaondelea kufanyika wakala huyo kwa sasa ataanza kutumia sheria zilizopo ili kuwawajibisha wale wanaokiuka utaratibu wa matumizi sahihi ya barabara.