BRELA wapewa changamoto ya kutoa elimu kwa wajasiriamali

 Kutoka kushoto Afisa Biashara wa Mkoa wa Mbeya ,Bw. Stanley Kibakaya,Kaimu Katibu Tawala wa Mkoa wa Mbeya, Bi. Quip Mbeyela,Msajili msaidizi mwandamizi wa BRELA, Bi Rehema Kitambi na Msajili msaidizi mwandamizi wa alama za biashara BRELA, Bi. Loy Mhando wakifuatilia mada mbalimbali kwenye  mafunzo ya biashara maalum ya mafunzo ya  Biashara kwa wajasiriali wadogo na wakati  ambayo imeandaliwa na Wakala wa Biashara na Leseni (BRELA) mkoani humo jana.

 

Kaimu Katibu Tawala wa Mkoa wa Mbeya, Bi. Quip Mbeyela akizungumza wakati wa uzinduzi wa programu maalum ya mafunzo ya  Biashara kwa wajasiriali wadogo na wakati  ambayo imeandaliwa na Wakala wa Biashara na Leseni (BRELA) mkoani humo jana.

Na Mwandishi Wetu, Mbeya

WAKALA wa Usajili wa Biashara na Leseni (BRELA)imepewa changamoto ya kujitangaza na kutoa elimu zaidi kwa wafanyabiashara na wajasiriamali  nchini kuhusu  umuhimu wa kusajili na kuzirasimisha biashara zao.

Katibu Tawala wa Mkoa wa Mbeya, Bi. Mariam Mtunguja, alitoa changamoto hiyo jana, mara baadaya kukutana na wawakilishi  kutoka BRELA makao makuu  ambao wapo mkoani humo ilikjutoa elimu mbalimbali  kwa wafanyabiashara kuhusu kusajili biashara.

“Wafanyabiashara wengi  hapa Mbeya hawajasajili biashara zao kutokana na kukosa elimu  ya kutosha na kutojua umuhimu wa kusajili biashara zao,” alisema Bi. Mtunguja.

Katibu Tawala huyo pia alipongeza uamuzi wa BRELA kuzunguka mikoa kwa lengo la kujitangaza na kuhamasisha kazi zake kwa wafanyabiashara na wajasiriamali iliwaweze kujitangaza zaidi.

“Napenda kutoa rai  kwa wafanyabiashara na wajasiriamali wote mkoani mbeya kushiriki kikamilifu mafunzo hayo ambayo yana umuhimu katika kukuza biashara zao na kuinua pato la taifa,”alisisitiza.

Kwa upande wake Afisa Biashara wa Mkoa wa Mbeya, Stanley Kibakaya amesema ofisi yake imefarijika na  ujio wa BRELA na kuwataka wananchi kutumia fursa hiyo kusajili na kurasimisha biashara zao,

“ Upo umuhimu mkubwa sana kwa  kusajili  biashara kwani utawawezesha kutambulika zaidi na kuweza kuwafanya kupata huduma zingine za kijamii ,”alisema na kuongeza  biashara zao  zitambulike zaidi na kuweza kupata fursa za kupata mikopo na huduma zingine za kitaalam

Naye Msajili Msaidizi Mwandamizi wa BRELA, Bi.Rehema Kitambi amesema lengo la mafunzo hayo ni kutoa elimu kwa wafanyabiashara au wajasiriamali wadogo na wakati  wa mkoa wa Mbeya kuhusu umuhimu wa kusajili biashara zao na kusajili majina ya biashara zao.

“Mafunzo yanawalenga sana wafanyabiashara, wajasiriamali wadogo na wakati kuhusu umuhumu wa kusajili majina ya biashara zao,” alisisitiza Bi. Kitambi na kutoa wito wa kujitokeza zaidi.

Akitoa ratiba ya mafunzo kitika mkoa huo, Bi. Rehema amesema mafunzo hayo yatafanyika katika Ukumbi wa Benjamin Mkapa uliopo Mbeya mjini kuanzia leo  tarehe 16 na kesho, tarehe 19 watakuwa Uyole na tarehe 22 watakuwa mbalizi na kumalizia Tunduma  tarehe 25 na 26.

Kwa mujibu wa Bi. Kitambi sambambamba na mafunzo, usajili wa majina ya biashara utakuwa unafanyika papo kwa papo kwa  gharama ya shilingi 6,000/-.

“ Huduma ya usajili  wa jina  biashara imerahisishwa na kufanyika ndani ya masaa nana tub (8 )ya kazi kitu ambacho kimeshapunguza  malalamiko yaliyokuwepo awali ya  ucheleweshaji ambapo ilikuwa si chinin ya siku saba,” alisema.

BRELA ipo katika mchakato  wa kuanza kutumia mfumo wa kielektroniki wa kusajili majina ya biashara popote nchini na nje ya nchi kwa kutumia mtandao.

Mwisho.