EPZA yashinda vikombe viwili maonyesho ya 38 ya Biashara ya Kimataifa Dar es Salaam

Mkurugenzi Mkuu wa Mamlaka ya Ukanda Maalumu wa Uwekezaji (EPZA), Dkt. Adelhelm Meru akikabidhiwa kikombe na Makamu wa Rais wa Pili wa Serikali ya Mapindunzi Zanzibar, Balozi Idd Seif (wa pili kutoka kulia) wakati wa Maonyesho ya 38 ya Biashara ya Kimataifa Dar es Salaam yanayoendelea jijini. Wengine ni Waziri wa Viwanda na Biashara, Dkt. Abdallah Kigoda (wa pili kushoto); Mkurugenzi Mkuu wa Mamlaka ya Maendeleo ya Biashara Tanzania, Bi. Jacqueline Maleko (kulia); Mwenyekiti wa Bodi ya Wakurugenzi ya Mamlaka ya Maendeleo ya Biashara Tanzania, Bi. Sabetha Mwambeja (wa pili kulia) na Kaimu Mkuu wa Mkoa wa Dar es Salaam, Raymond Mushi ambaye pia ni Mkuu wa Wilaya ya Ilala (wa kwanza kushoto).  EPZA ilipata ushindi katika makundi mawili ya uendelezaji viwanda pamoja na kukuza biashara na kundi la bidhaa za mauzo ya nje.

Mkurugenzi Mkuu wa Mamlaka ya Ukanda Maalumu wa Uwekezaji (EPZA), Dkt. Adelhelm Meru akionyesha cheti cha ushindi baada ya kukabidhiwa na Makamu wa Pili wa Rais wa Serikali ya Mapindunzi Zanzibar, Balozi Idd Seif (wa pili kutoka kulia) wakati wa Maonyesho ya 38 ya Biashara ya Kimataifa Dar es Salaam yanayoendelea jijini. Wengine ni Waziri wa Viwanda na Biashara, Dkt. Abdallah Kigoda (wa pili kushoto); Mwenyekiti wa Bodi ya Wakurugenzi ya Mamlaka ya Maendeleo ya Biashara Tanzania, Bi. Sabetha Mwambeja (kulia) na Kaimu Mkuu wa Mkoa wa Dar es Salaam, Raymond Mushi ambaye pia ni Mkuu wa Wilaya ya Ilala (wa pili kushoto).  EPZA ilipata ushindi katika makundi mawili ya uendelezaji viwanda pamoja na kukuza biashara na kundi la bidhaa za mauzo ya nje.

Na Mwandishi wetu, Dar es Salaam

Mamlaka ya Ukanda Maalumu wa Uwekezaji nchini (EPZA) imeibuka na ushindi mnono baada ya kupata vikombe viwili katika  Kwenye Maonyesho ya 38 ya Biashara ya Kimataifa Dar es Salaam yanayoendelea hapa jijni.

Mamlaka hiyo ilipata ushindi katika makundi mawili na kupatiwa vikombe na Makamu wa Pili wa Rais wa serikali ya Mapinduzi ya Zanzibar,Balozi Idd Seif wakati alipokuwa akifungua maonyesho hayo kwenye Viwanja vya Mwalimu Julius Kambarage Nyerere Barabara ya Kilwa jijini Dar es Salaam juzi.  

Mkurugenzi Mkuu wa Mamlaka hiyo, Dkt. Adelhelm Meru alielezea ushindi huo kuwa umekuja kutokana na juhudi za mamlaka hiyo katika kuzitangaza huduma zake kwa watanzania na wawekezaji wa  ndani na nje ya nchi.

“Ni jambo la kujivunia kwamba tumeibuka na vikombe viwili na hii inadhihirisha kwamba tunafanya kazi nzuri na zinaonekana kwa watanzania na wawekezaji,”alisema Dkt. Meru.

Alisema ushindi huo umetokana na maandalizi mazuri waliyoyafanya kwa ajili ya kushiriki maonyesho hayo ya biashara ya kimataifa Dar es Salaam

“ Maeneo tuliyoshinda ni pamoja na kundi la uendelezaji viwanda pamoja na kukuza au kusaidia kuendeleza biashara na kundi la la bidhaa za mauzo ya nje,” aliongeza Dkt. Meru kwa furaha kubwa.

Akizungumzia zaidi ushindi huo,  Dkt. Meru alisema mamlaka inauzoefu na ujuzi mkubwa katika maswala haya hapa nchini na ushindi huo ulikuwa ni haki yao kuupata kutokana na kazi zinazofanywa kwa kushirikiana na wafanyakazi na wadau wote wa mamlaka.

Alisema mamlaka imekuwa ikitoa huduma nzuri daima kwa wawekezaji na zimekuwa zikionekana na ndiyo imekuwa rahisi kwa washindanishaji kuona na kutoa ushindi huo.

Mkurugenzi wa Uhamasishaji Uwekezaji na Huduma wa Mamlaka hiyo, Bi.Zawadia Nanyaro alisema mamlaka inashiriki kila mwaka maonyesho hayo na safari hii wanaendelea kushiriki na kuufahamisha umma kazi za mamlaka.

“Tumekuja kuonyesha kazi za mamlaka na hapa tunaonyesha mafanikio yaliyopatikana hadi sasa,” alisema, alisema Bi.Nanyaro na kuongeza kuwa EPZA siku zote ina amini kwenye kutoa elimu kwa Umma.

Aliongeza kusema kuwa mamlaka imetumia fursa hiyo kuonyesha kwa vitendo kazi zake pamoja na viwanda vilivyowekeeza chini ya mamlaka ambapo vimeshiriki na vionyesha bidhaa za mauzo ya masoko ya kimataifa na ndani ya nchi.

Alisisitiza kuwa viwanda hivyo vinamchango mkubwa katika maendeleo ya nchi kwa vile vimekuwa vikichangia uchumi wa nchi na kutoa ajira kwa watanzania.

“ Tunahitaji watanzaniana waje watembelee banda letu wajionee kazi za mamlaka ili waweze kujivunia taasisi yao hii kuwa inafanyakazi kwa faida ya nchi,”alisema.

Pia alisema wawekezaji walioshiriki maonyesho hayo wafike kwenye banda lao ili kuweza kuzitambua fursa za kiuwekezaji zilizopo kwenye mamlaka hiyo.

Katika Maonyesho hayo ya 38 ya Biashara ya kimataifa Dar es Salaam, nchi 33 zikiwemo za Kenya, Uingereaza, Marekani, Ujerumani, Zimbabwe Japani, China Denmark ,Burundi na  Uturuki zilishiriki.

Maonyesho hayo hufanyika kila mwaka ambapo wafanyabiashara hupata fursa ya kuonyesha na kuzitangaza bidhaa zao.

Mwisho.