Nagu avutia uwekezaji na biashara kutoka Sweden

 Waziri wa Nchi Ofisi ya Waziri Mkuu Uwekezaji na Uwezeshaji, Dkt. Mary Nagu (mwenye nguo nyekundu) akimpatia zawadi Mtoto wa Mfalme wa Sweden jana jijini Dar es Salaam.  Ujumbe wa wafanyabiashara na wawekezaji toka nchi hiyo walitembelea Kituo cha Uwekezaji nchini (TIC) jana kama moja ya ratiba yao katika ziara yao hapa nchini.  Kulia ni Mkurugenzi Mtendaji wa TIC, Bi. Juliet Kairuki.

Mkurugenzi Mtendaji wa Kituo cha Uwekezaji nchini (TIC), Bi. Juliet Kairuki (kushoto) akimkaribisha Mtoto wa Mfalme wa Sweden, Victoria jana jijini Dar es Salaam aliyeongoza ujumbe wa wafanyabiashara na wawekezaji toka nchi hiyo kutembelea Kituo hicho jana kama moja ya ratiba yao katika ziara yao hapa nchini.

Na mwandishi wetu, Dar es Salaam

SERIKALI imeelezea matumaini yake kuwa  ujio wa Malkia Mtarajiwa Princess Victoria wa Sweden utasaidia kutaitangaza Tanzania kwa wafanyabiashara wa nchi hiyo kuja kuwekeza katika sekta mbalimbali za uchumi.

Waziri wa Nchi, Ofisi ya Waziri Mkuu  anayeshughulikia Uwekezaji na Uwezeshaji, Dkt. Mary Nagu aliwambia wandishi wa habari mara baada ya kufanya mazungumzo na   malkia huyo   na ujumbe wake wa  watu 11 kuwa ujio huo ni fursa pekee kwa Tanzania kunadi vivutio vya  uwekezaji kwa wawekezaji wa nchi hiyo.

“Katika mazungumzo yetu  na Malkia  na ujumbe wake tumeweza kuwaeleza fursa mbalimbali zilizopo hapa nchini zikiwepo katika maeneo ya  Kilimo, utalii, madini na viwanda vya na nishati,” alisema.

Alisema ujumbe huo pia uliambatana na waziri wa Viwanda wa nchi hiyo,Bi. Ewa Djorling na alivutiwa na fursa hizo na vivutio mbalimbali ambavyo vinatolewa hapa Tanzania kwa wawekezaji.

“Ujio wa Malkia huyu utaitangaza Tanzania kwa wasweden kuwa nchi yetu ni kitovu cha uwekezaji na biashara,” alisema na kuongeza kuwa wameonyesha nia zaidi katika sekta nishati, Kilimo , usafirishaji na utalii.

Amesema mpaka kufika Desemba 2013, Sweden ilikuwa na maslahi katika miraji ya uwekezaji iliyosajiliwa kufikia 59 yenye thamani ya dola za Kimareka 494.16 hapa nchini.

“Ni uwekezaji mkubwa sana na hivyo miradi hiyo ilikuwa inatarajia kutoa ajira 6,510.26,” alisema na kuongezwa kuwa miradi hiyo ipo katika maeneo ya Kilimo, mawasiliano,viwanda,usafirishaji na utalii.

Pia Tanzania itapata mitaji na teknolojia na hii ni kutokana na nchi hiyo imeendelea na wanamitaji ya kuja kuwekeza na wakiwekeza Tanzania itaboresha ustawi wa watu wake.

Tanzania inapiga hatua katika utalii maeneo mengi ya utalii sasa ili tuzidi kuboresha tunahitaji wajekujenga hotel za kisasa ili tuweze kupata watalii wengi toka katika mataifa ya Ulaya, ASSIA na Amerika.

Alisema pia wamewavutia kuwekeza kwenye uzalisha bidhaa na kutoa huduma mbalimbali na watazipeleka kuuza katika nchi zao na hapo Tanzania itakuza biashara za nje na kuongezwa mapato yake.

“Hivi karibuni tumezindua mradi mkubwa wa Wasweeden wa Kilimo wa EcoEnergy Tanzania wa Bagamoyo wanalima miwa ili badaye watengene sukari na mabaki ya miwa kutengeneza nishati ya umeme.

Matarajio kuwa ujio wa Malkia huyo na mradi huo wa Kilimo utawavutia sana wafanyabiashara wa nchi hiyo kuja kuwekeza nchini.

Alisema pia wamesema ili waje kuwekeza nchini wanahitaji miundombinu ya bandari iwe imeboreshwa ili kuwa na uhakika wa kupeleka bidhaa na huduma nje ya nch.

Pia Tanzania pamoja na kwamba haina miundombinu ya kutosha, wao wanayofursa ya kuja kuwekeza katika reli ya kati , reli ya kaskazini na bandari zetu ili kuwa na ufanisi mkubwa wa kuagiza bidhaa nje na kutoa nje.

Waziri wa Viwanda na Bishara, Dkt. Abdallah Kigoda alisema ujio huo uliwapa fursa ya kuzungumza namna ya kuondoka katika utaratibu wa kupeana misaada na kuingia katika biashara.

“Tunahitajika kuondoka katika mahusiano ya kupeana misaada na sasa kuingia katika mahusiano ya kibiashara zaidi,” na hii ndiyo njia pekee ya nchi hii kujitegemea zaidi aliongeza kusemba Dkt. Kigoda.

Katika kufanikisha swala hilo, ni lazima Tanzania iongeze uwezo wa biashara na uwekezaji ili kuweze kuuza zaidi kupata mapato yatakayo saidia kukuza ustawi wa jamii.

Pia kunahitajika kuongeza vivutio vya uwekezaji ili waweze kuwekeza, na katika hili kunahitaji zaidi la kutimiza vigezo vinavyopimwa na Benki ya Dunia vya usndani wa mazingira bora ya biashara na uwekezaji.

Alisema vipo vigezo vya kiushindani ambavyo tayari vimemesha vitimizwa na wanaendelea kufanya hivyo lakini kunavingine vinahitaji kuwezeshwa.

Alisema mfano vigezo vinayohitaji teknolojia wanahitajika kuisaidia Tanzania ili kutimiza na hiyo itasaidia kupata uwezo wa tufanya kazi kwa ufanisi.

MKutano huo uliandaliwa na Kituo cha Uwekezaji nchi TIC,Bi.Juliet Kairuki na ulihudhuriwa na taasisi mbalimbali za serikali zinazohisiana na maswala ya biashara.

Mwisho.