Rais Kikwete mgeni rasmi chakula cha hisani kuchangia ujenzi wa vyoo barabara kuu

Na Mwandishi wetu, Dar es Salaam

Hafla ya chakula cha hisani ya kuchangia fedha kwa ajili ya kujenga vyoo vya umma katika barabara kuu za Tanzania sasa itafanyika mwishoni mwa mwezi ujao, Novemba.

Rais Jakaya Kikwete anatarajiwa kuwa mgeni rasmi katika hafla hiyo.

Mwenyekiti Mtendaji wa Shirika la Mazingira Mufindi (MUET), Bw. Godifrey Mosha aliwaambia waandishi wa habari jana jijini Dar es Salaam kuwa chakula hicho kinalenga kuchangisha fedha kwa ajili ya ujenzi wa vyoo hivyo katika barabara kuu tatu ziendazo mikoani.

“Tunatarajia kujenga vyoo hivyo katika barabaraza zetu kuu ziendazo mikoani,” alisema,”alisema Bw. Mosha.

Alisema kwa sasa mazingira ya abiria kupata falagha ya kujisaidia barabarani siyo nzuri kwani watu huchimba dawa porini jambo ambalo siyo nzuri kiusalama na husabisha uharibifu wa mazingira.

Barabara zitakazo jengewa vyoo hivyo ni pamoja na Dar es Salaam-Songea;  Mwanza-Dar es Salaam; na Mtwara-Dar es Salaam ambapo awamu ya kwanza itaanza na barabra ya Songea kwenda Dar es Salaam ikiwa na vituo vitano.

Alisema michoro yake imekamilika na inaonyesha umbali wa choo kimoja kwenda kingine na kila choo kitakuwa na matundu hamsini, wanawake 25 na wanaume 25 na cha walemavu na pia sehemu za kuvutia sigara na kutupa takataka.

Awali, chakula hicho cha hisani kilikuwa kifanyike kesho, Alhamis.  Hafla hiyo imesogezwa mbele ili kuleta ufanisi zaidi.

Alitoa wito kwa wadau wote wa mazingira wakiwemo wasafirishaji na watu mbalimbalimbali wazidi kuchangia ili kuzidi kukamilisha shughuli hiyo muhimu kwa maendeleo.

“Vituo hivi vina maana sana kwa abiria na kwa wananchi wa vijiji vya karibu,” alisema na kuongeza kuwa ajira zitazalishwa na kufanya biashara kujiongezea vipato vyao kuendesha maisha yao.

Aliongeza kusema kuwa maendeleo yanakuja kwa wananchi kuwa wabunifu na kushirikiana katika maswala mbalimbali ya kijamii.

Alisisitiza kwamba mwasisi wa taifa hili, Mwalimu Julius Nyerere aliliandaa taifa vizuri na kuliacha likiwa na hali nzuri, hivyo ni vyema sasa kufanya kila liwezekanalo kuzidi kuliendeleza.

Chakula hicho cha hisani kitaandaliwa na MUET kwa kushirikiana na wadu mbalimbali.

Wachangiaji watapatiwa vyeti vya kutambuliwa.

Mwisho.

Pinda apigia chapuo kuzinduliwa tovuti mpya ya TIC

Waziri Mkuu Mizengo Pinda (katikati) akiangalia wakati Naibu Mkurugenzi Mkuu, Ofisi ya Mambo ya Nje, jimbo la Guandong, China, Bw. Luo Jun (wa tatu kulia) akikaribia kusalimiana na Waziri wa Nchi, Ofisi ya Waziri Mkuu, Uwekezaji na Uwezeshaji, Dkt. Mary Nagu (kushoto) hivi karibuni.  Wa nne kulia ni Mkurugenzi Mtendaji wa Kituo cha Uwekezaji Tanzania (TIC), Bi. Juliet Kairuki.  Ujumbe wa Tanzania ukiongozwa na Waziri Mkuu ulikuwa nchini humo katika ziara ya siku tisa kuimarisha ushirikiano wa kibiashara na uwekezaji kati ya nchi hizo.

Na Mwandishi wetu, China

Waziri Mkuu Mizengo Pinda amewakikishia wawekezaji wa ndani na nje kuwa tovuti mpya ya Kituo cha Uwekezaji Tanzania (TIC) ni hatua muhimu katika kuimarisha mazingira mazuri ya uwekezaji nchini.

Waziri Mkuu amesema hayo mara baada ya uzinduzi wa tovuti hiyo nchini China wakati wa kongamano la wafanyabiashara wa Tanzania na China katika jiji la Guangzhou mwishoni mwa wiki.

Ujumbe wa serikali ya Tanzania ukiongozwa na Bw. Pinda ulikuwa katika ziara ya siku 9 katika nchi ya China kuimarisha uhusiano wa biashara na uwekezaji kati ya nchi hizo.

Wajumbe toka kampuni 100 toka China na Tanzania walihudhuria kongamano hilo ambapo mikataba saba ya ushirikiano kati ya nchi hizo mbili ilisainiwa.

“Nawahamasisha wawekezaji wa ndani na nje kutumia fursa hii muhimu na kufaidika na taarifa mbalimbali,” alisema Waziri Mkuu, na kuongeza kuwa matumizi ya tovuti hiyo yatarahisisha kwa kiwango kikubwa utendaji kazi wa wawekezaji.

Mkurugenzi Mtendaji wa TIC, Bi. Juliet Kairuki ambaye alikuwa mmoja wa maafisa wa serikali katika ziara hiyo alisema tovuti hiyo, www.tic.co.tz, itabadilisha kwa kiwango kikubwa jinsi watanzania, wawekezaji wa ndani na wa nje wanavyowasiliana na serikali na namna wanavyoshughulikia maswala kama kusajili kampuni, kujiandikisha katika kulipa kodi na mengine.

“Tovuti hii inatoa fursa kwa wawekezaji wa ndani na nje kupata taarifa zote wanazohitaji kuhusu kuwekeza nchini Tanzania,” alisema Bi. Kairuki. 

Katika juhudi zake za kujenga mazingira bora ya uwekezaji nchini, TIC inafanya kila linalowezekana kutoa taarifa muafaka na kwa wakati kwa wawekezaji na wale wanaotarajia kuwekeza.

Akielezea faida za tovuti hiyo, Bi. Kairuki alisema inatoa taarifa nyingi na kwa uwazi na kuelezea kwa hatua nini kinatakiwa kufanyika na kwa wakati gani.

“Inaelezea kwa kina nini kinatakiwa kufanyika na kwa wakati gani,” alisema.

Alisema pia kuwa tovuti hiyo inaelezea gharama rasmi za serikali zinazotakiwa kulipwa kwa kila hatua ili kuondoa mkanganyiko wowote.

“Taarifa hizo zinapatikana katika lugha zaidi ya 60, ikijumuisha Kiswahili,” alisema na kuongeza kuwa tovuti hiyo inaelekeza afisa husika na anuani anayotumia kama itabidi kuwasiliana naye.

Juhudi za TIC kuimarisha utoaji taarifa zake katika mtandao zilianza Mei 2012 kwa msaada wa kiufundi kutoka shirika la umoja wa mataifa linaloshughulikia maendeleo na biashara (UNCTAD).

Juhudi hizo zinalenga kuimarisha mazingira ya biashara ya Tanzania kwa kurahisisha taratibu zake, kuzieleza na kuzitangaza kwa wadau mbalimbali.

Tovuti hii inaelezea sheria na taratibu zinazotakiwa kufuatwa kwa uwazi zaidi.

Kwa mujibu wa kiongozi huyo, tovuti inatoa maelezo ya hatua zinazotakiwa kufuatwa, anayehusika, nyaraka zinazotakiwa kuwasilishwa, kuchukuliwa, malipo, muda wa kusubiri, sehemu ya malalamiko na sheria zinazohusika katika kufanya kazi na taasisi za serikali.

“Taratibu zimerahisishwa kwa kuondolewa hatua za kisheria zisizotakiwa na mahitaji mengine yasiyokuwa ya lazima,” alisema.

Kupitia tovuti hii, ni rahisi kwa mjasiriamali kuwasiliana na zaidi ya taasisi za umma 20 na kuwasiliana na zaidi ya watumishi wa serikali 88 ambao wako tayari kusaidia katika hatua mbalimbali.

Mwisho 

TIC yazindua tovuti mpya kuimarisha zaidi mazingira ya uwekezaji nchini

Na Mwandishi wetu, China

Katika juhudi za kuimarisha zaidi huduma zake, Kituo cha Uwekezaji Tanzania (TIC) kimezindua tovuti yake mpya.  

Inatazamiwa kuwa tovuti hiyo, www.tic.co.tz, itabadilisha kwa kiwango kikubwa jinsi watanzania, wawekezaji wa ndani na wa nje wanavyowasiliana na serikali na namna wanavyoshughulikia maswala kama kusajili kampuni, kujiandikisha katika kulipa kodi na mengine.

Uzinduzi huo ulitangazwa na Mkurugenzi Mtendaji wa TIC, Ms. Juliet Kairuki wakati wa kongamano la wafanyabiashara wa Tanzania na China lililofanyika katika jiji la Guangzhou nchini China hivi karibuni.

Bi. Kairuki ni mmoja wa maafisa waandamizi wa serikali walio nchini China kwa ziara ya siku 9 inayokusudia kuimarisha mahusiano ya kibiashara na uwekezaji kati ya nchi hizo.  Ujumbe huo unaongozwa na Waziri Mkuu, Bw. Mizengo Pinda.

“Tovuti hii inatoa fursa kwa wawekezaji wa ndani na nje kupata taarifa zote wanazohitaji kuhusu kuwekeza nchini Tanzania,” alisema Bi. Kairuki wakati wa uzinduzi huo.  

Katika juhudi zake za kujenga mazingira bora ya uwekezaji nchini, TIC inafanya kila linalowezekana kutoa taarifa muafaka na kwa wakati kwa wawekezaji na wale wanaotarajia kuwekeza.

Akielezea faida za tovuti hiyo, Bi. Kairuki alisema inatoa taarifa nyingi na kwa uwazi na kuelezea kwa hatua nini kinatakiwa kufanyika na kwa wakati gani.

“Inaelezea kwa kina nini kinatakiwa kufanyika na kwa wakati gani,” alisema.

Alisema pia kuwa tovuti hiyo inaelezea gharama rasmi za serikali zinazotakiwa kulipwa kwa kila hatua ili kuondoa mkanganyiko wowote.

“Taarifa hizo zinapatikana katika lugha zaidi ya 60, ikijumuisha Kiswahili,” alisema na kuongeza kuwa tovuti hiyo inaelekeza afisa husika na anuani anayotumia kama itabidi kuwasiliana naye.

Juhudi za TIC kuimarisha utoaji taarifa zake katika mtandao zilianza Mei 2012 kwa msaada wa kiufundi kutoka shirika la umoja wa mataifa linaloshughulikia maendeleo na biashara (UNCTAD).

Juhudi hizo zinalenga kuimarisha mazingira ya biashara ya Tanzania kwa kurahisisha taratibu zake, kuzieleza na kuzitangaza kwa wadau mbalimbali.

Tovuti hii inaelezea sheria na taratibu zinazotakiwa kufuatwa kwa uwazi zaidi.

Kwa mujibu wa kiongozi huyo, tovuti inatoa maelezo ya hatua zinazotakiwa kufuatwa, anayehusika, nyaraka zinazotakiwa kuwasilishwa, kuchukuliwa, malipo, muda wa kusubiri, sehemu ya malalamiko na sheria zinazohusika katika kufanya kazi na taasisi za serikali.

“Taratibu zimerahisishwa kwa kuondolewa hatua za kisheria zisizotakiwa na mahitaji mengine yasiyokuwa ya lazima,” alisema.

Kupitia tovuti hii, ni rahisi kwa mjasiriamali kuwasiliana na zaidi ya taasisi za umma 20 na kuwasiliana na zaidi ya watumishi wa serikali 88 ambao wako tayari kusaidia katika hatua mbalimbali.

Mwisho