Benki ya Afrika Tanzania yazidi kusaidia sekta ya elimu

 Meneja Mwandamizi wa Masoko na Mawasiliano wa Banki ya Afrika Tanzania, Bw. Solomon Haule (kushoto) akiongea katika shughuli ya kutoa msaada wa vitabu kwa Shule ya Sekondari ya Mama Salma Kikwete jana jijini Dar es Salaam.  katikati ni Meneja wa Tawi la Kijitonyama la benki hiyo, Bw. Lugano Mwaipyana na Mwalimu Mkuu Msaidi, Utawala, wa Shule hiyo, Bi. Philomena Julu (kulia).  Msaada huo ni juhudi zinazoendelea za benki hiyo kusaidia serikali katika kuendeleza sekta ya elimu hapa nchini.

Meneja wa Tawi la Kijitonyama la Benki ya Afrika Tanzania, Bw. Lugano Mwaipyana (kushoto) akimkabidhi msaada wa vitabu Mwalimu Mkuu Msaidi, Utawala, wa Shule ya Sekondari ya Mama Salma Kikwete, Bi. Philomena Julu (wa pili) jana jijini Dar es Salaam.  wengine ni wanafunzi wa shule hiyo, Catherine Francis (wa pili kulia) na Isaya Christopher (kulia).  Msaada huo ni juhudi zinazoendelea za benki hiyo kusaidia serikali katika kuendeleza sekta ya elimu hapa nchini.

Na Mwandishi wetu, Dar es Salaam

Katika kuhakikisha inaunga mkono juhudi za serikali za kukuza sekta ya elimu hapa nchini, Benki ya Afrika Tanzania imeendelea kutumia sehemu ya faida inayoipata kwenye shughuli zake za kibenki kusaidia shule za sekondari za umma za kata vitabu vya masomo mbalimbali.

Safari hii, benki hiyo imetoa msaada wa vitabu kwa shule ya Sekondari ya Mama Salma Kikwete  iliyopo katika wilaya ya Kinondoni mkoani Dar es Salaam.

Shule hiyo ina michepuo ya Sayansi, Biashara na yale ya mchepuo wa masomo ya Sanaa.

Meneja Mwandamizi wa Masoko na Mawasiliano wa benki hiyo, Bw. Solomon Haule alisema jana jijini Dar es Salaam kuwa uamuzi wa kuendelea kusaidia sekta hiyo unatokana na dhamira yao kutaka kuona inaendelea kwa kuwa moja ya sekta muhimu kwa maendeleo.

“Benki yetu ina sera ya kujenga mahusiano mema na jamii na mwaka huu wa fedha tumetenga sehemu ya faida kwa ajili ya sekta ya elimu,” alisema.

Alisema msada huo unalenga kuzijengea uwezo shule za kata zenye changamato ya vitabu ili kuwasawaidia wanafunzi wapate huduma bora.

Alisema mwezi wa Saba mwaka huu mameneja wa matawi wa benki yao watapita katika shule mbalimbali za Kata katika mikoa yao na kuorodhesha shule zenye mahitaji ya vitabu kwa ajili ya kuzisaidia.

Mwalimu Mkuu Msaidizi wa Shule hiyo, Utawala, Bi. Philomena Julu alisema msaada huo utasaidia kupunguza changamoto ya vitabu shuleni hapo na kusaidia kukuza elimu.

“Kwa kweli tunayo changamoto kubwa ya vitabu; serikali imejitahidi lakini bado kunahitaji hili,” alisema.

Pia alisema msaada huo utasaidia katika kufikia malengo  ya Matokeo Makubwa Sasa (BRN) na kwa kufanya hivyo watoto watapata elimu ya kutosha.

Alisema shule yao inafanya vizuri kila mwaka na vitabu hiyo ni chachu ya kuzidi kufanya vizuri kitaaluma.

Akizungumza kwa niaba ya wenzake, mwanafunzi wa kidato cha Pili, Catherine Francis alisema anaishikuru benki hiyo kwa kuwapatia msaiada, na watahakikisha wanasoma na wanafavya vyema katika masomo.

“Tunawaomba walimu wazidi kutusaidia tuweze kuvielewa ili tuwe na uelwa mzuri na kufaulu,” alisema.

Alisema anaomba wadau wengine nchini kuisadia shule yao ili iweze kuwapatia elimu bora wanafunzi wake kwa faida ya taifa.

Mwisho