TPA yazidi kuimarisha huduma zake

Kaimu Meneja wa Kitengo cha Makasha wa Mamlaka ya Usimamizi wa Bandari Bi. Brigita Madolomani( katikati) akizungumza na waandishi wa habari hawapo pichani, Jijini Dar es Salaam mwishoni mwa wiki juu ya ujio wa mashine mpya na za kisasa aina ya' Gott Wald Crane' kwa ajili ya upakuaji na upakiaji wa mizigo katika Bandari ya Dar es Salaam na Tanga, kulia ni Kaimu Afisa mawasiliano mkuu Peter Milanzi na Kaimu Meneja Kitengo cha Makasha Bi.Brigita Madolomani.Mashine hizo za kisasa kila moja imenunuliwa kwa Ero milioni 2.6

ACTING Communications Manager of Tanzania Ports Authority (TPA), Ms Janeth Ruzangi stresses a point to  journalists (not in picture) in Dar es Salaam over the weekend on the four purchased modern Gotwald habour cranes meant to increase productivity at the port each crane bought at 2.6 million Euro. Others looking on are acting  Manager of Container Terminal, Ms Brigita Madolomani( left) and the Authority’s Principal Communications Officer , Mr Peter Millanzi (Right). One of the acquired machine will be used at Tanga Port.

Na Mwandishi wetu, Dar es Salaam

Katika juhudi za kuboresha huduma zake, Mamlaka ya Usimamizi wa Bandari Tanzania (TPA) imenunua vifaa vinne vya kisasa aina ya ‘Gotwald  Harbour Cranes’ kwa ajili ya kuboresha huduma za upakiaji na upakuani mizigo.

Kaimu Meneja Mawasiliano wa Mamlaka hiyo, Bi. Janeth Ruzangi alisema hayo jana jijini Dar es Salaam wakati akizungumza na waandishi wa habari kuhusu maendeleo hayo.  Vifaa hivyo vina thamani ya jumla ya Euro 10.4 milioni.

“Vifaa hivi ni vya kisasa na kila kimoja kimenunuliwa kwa thamani ya Euro 2.6 Milioni…vina uwezo mkubwa wa kupakua na kupakia mizigo kwenye meli tofauti na ilivyo kuwa hapo nyuma,” alisema Bi. Ruzangi.

Alisema sasa uwezo umeongezeka katika bandari hiyo kwa kiasi kikubwa na kwamba hatua hiyo ni moja ya mikakati ya kuhimili ushindani katika utoaji wa huduma hiyo katika ukanda huu.

Akielezea zaidi alisema vifaa hivyo  pia vina uwezo wa kuendeshwa kwa rimoti na kufanya kazi kwa ufanisi na kwa umakini katika utoaji wa huduma hiyo kwa jamii.

Alisema ununuzi wa vifaa hivyo pia umeilenga Bandari ya Tanga ambayo imepatiwa kifaa hicho kimoja wakati vitatu vimebaki Dar es Salaam.

“Wakala wa meli sasa walete meli zao kwa wingi katika bandari yetu,” alisema na kuongeza kuwa wateja wote wanaotumia bandari ya Dar es Salaam hawana budi kuzidi kutumia bandari hiyo kwa vile huduma imezidi kuwa nzuri.

Kaimu Meneja Kitengo cha Makashi (AG Container Terminal) wa Mamlaka hiyo, Bi. Brigita Madolomani alisema kabla ya kuja vifaa hivyo vipya mwezi Octoba mwaka 2012, vifaa vilivyokuwepo vilikuwa na uwezo wa kupakua na kupakia kontena 216 kwa kipindi cha saa 24.

“Lakini baada ya vifaa hivyo vipya kununuliwa, mwezi Novemba mwaka 2012 jumla ya kontena 283 ziliweza kushughulikiwa kwa saa 24 na idadi hiyo kupanda hadi kontena 315 kwa saa 24 kwa mwezi Disemba,” alifafanua, Bi. Madolomani. 

Alisisitiza kusema kuwa maendeleo hayo makubwa ni hatua muhimu katika kuleta tija ya utoaji wa huduma katika bandari hiyo muhimu katika ukanda huu wa Afrika.

Bandari ya Dar es Salaam ni moja ya bandari ambayo hutegemewa na nchi jirani zikiwemo Zambia, Jamhuri ya Demokrasia ya Congo (DRC), Rwanda na Burundi.

Mwisho