RUBADA kuwainua wanawake kupitia SAGCOT

Na Mwa ndishi Wetu, Njombe

Mamlaka ya Uendelezaji wa Bonde la Mto Rufiji (Rubada) imesesisitiza kuwa itaendelea kuweka juhudi zake katika kuhakikisha inawainua wanawake kupitia kilimo katika wake mpango wa Ukuaji wa Kilimo katika Ukanda wa Kusini mwa Tanzania (SAGCOT).

“Hii ni fursa ya pekee kwa wanawake walioko katika ukanda huu wa kusini kuchangamkia nafasi hii walioipata kuhakikisha kuwa wanajikita zaidi katika kilimo, na sisi kama mamlaka tutahakikisha tunawasaidia katika kuwajengea uwezo,” Mkurugenzi Mkuu wa Mamlaka hiyo Bw. Alocye Masanja aliyasema hayo hivi karibuni mjini hapa.

Akizungumza katika  Mkoa mpya wa Njombe alipokukutana na watendaji wa ngazi mbalimbali katika wilaya hiyo na kujadili mikakati ya kuwainua wananchi wa Njombe kiuchumi kupitia mpango wa SAGCOT, Bw. Masanja alisema kuwa RUBADA itawasaidia wanawake wote watakao changamkia fursa zipatikanazo katika ukanda huo.

“Wanawake ni sehemu ya kilimo kwanza, hili nimelisema mara nyingi katika ziara zangu, hivyo mamlaka itahakikisha inashirikiana kwa karibu na taasisi za fedha kuona jinsi ya kuwainua wanawake kwasababu asilimia kubwa ya wanawake ndio wanaojishughulisha na kilimo katika maeneo mengi ya nchi”alisema Masanja

Aliongeza kuwa kwa sasa benki ya wanawake ipo, na tunachofanya sasa ni kuanza mchakato wa kuingia mkataba na benki hiyo ili wanawake waweze kukopeshwa kwa riba nafuu ili waweze kulima kilimo cha kisasa na cha kibiashara kupitia mpango wa ukuaji wa kilimo katika ukanda wa kusini mwa Tanzania SAGCOT.

“Wanawake ndio wanaoendesha familia katikla maeneo mengi ya vijijini, hilo halina ubishi, hivyo mamlaka ya uendelezaji wa bonde la mto rufiji itahakikisha kilimo kwaza na sagcot kinaenea kwa ukubwa wake katika ukanda wa kusini,” alisisitiza  Masanja.

Aidha aliwataka watendaji wa ngazi zote katika wilaya ya njombe kuwaunga mkono ili mpango huu uweze kufanikiwa kwa kiasi kikubwa kwa sababu serikali imedhamiria kuweka mkazo katika dhana ya kilimo kwanza kupitia SAGCOT.

“Serikali kwa sasa inaangalia zaidi kilimo hasa kupitia mpango huu wa Sagcot, hivyo kama msipofanya juhudi za kuwahamasisha wananchi wenu katika vijiji, kata na tarafa mtakuwa hamuendani na dhana ya serikali ya kilimo kwanza na mpango wa serikali yenu ni kuhakikisha wananchi wake wanakuwa katika mazingira bora ya kimaisha” Aliongeza Mkurugenzi huyo.

Alisema Bonde la Mto Rufiji ni kubwa sana hivyo itakuwa si sahihi kama mamlaka kuona fursa nyngi za kimaendeleo kupitia kilimo kwanza zinapotea pasipo wao kuzisimamia na kuzitekeleza kwa mujibu wa sheria ya RUBADA, huklu akisisitiza kuwa Sagcot ndio itakuwa mkombozi wa maisha ya watanzania.

Bonde la Mto Rufiji lina kongani sita, ambazo zote ziko chini ya RUBADA kwa hiyo sisi tunaimani kubwa kuwa wananchi waliopitiwa na na bonde hilo watafaidika na mpango wa Sagcot nah ii ndio sera ya serikali ya kuhakikisha nchi hii inakuwa ya kijani na kuinua uchumi wan chi kupitia kilimo” aliongeza.

Mwisho.