TTCL yaja na mfumo mpya wa utoaji huduma kupitia teknolojia

Afisa Mkuu wa Masoko na Mauzo Kampuni hiyo, Bw. Peter Ngota akisisitiza umuhimu wa huduma mpya  waandishi wa habari mfumo mpya wa kibiashara na utendaji kwa ajili ya kuwapatia huduma bora wateja wake kama njia ya kuchangia shughuli za maendeleo nchini kupitia huduma ya mawasiliano ya simu jijini Dar es Salam jana. Kulia ni Meneja wa Kampuni hiyo Dar es Salaam Kaskazini, Bwana Karim Bablia. 

Meneja wa Kampuni Kampuni ya Mawasiliano nchini (TTCL) Mkoa Dar es Salaam Kaskazini, Bwana Karim Bablia  akisisitiza umuhimu wa huduma mpya waandishi wa habari mfumo mpya wa kibiashara na utendaji kwa ajili ya kuwapatia huduma bora wateja wake kama njia ya kuchangia shughuli za maendeleo nchini kupitia huduma ya mawasiliano ya simu jijini Dar es Salam jana.Kushoto Afisa Mkuu wa Masoko na Mauzo Kampuni hiyo, Bw. Peter Ngota.

Na Mwandishi wetu,Dar es Salaam

Kampuni Kongwe  ya Mawsiliano Tanzania (TTCL) imeanzisha mfumo mpya wa kibiashara na utendaji kwa ajili ya kuwapatia huduma bora wateja wake kama njia ya kuchangia shughuli za maendeleo nchini kupitia huduma ya mawasiliano ya simu.

Afisa Mkuu wa Masoko na Mauzo Kampuni hiyo, Bw. Peter Ngota aliwambia waandishi wa habari kuwa huduma hiyo itatoa fursa kwa wateja wa kampuni hiyo ya serikali kupata huduma bora kupitia  mfumo huo.

“Mfumo huu ulianza kutumika Desemba Mosi mwaka huu na ni muhimu katika kuwapatia wateja wetu huduma bora ambayo inayokwenda na wakati,” aliongeza kusema Bw. Ngota.

Mfumo huu mpya wa wa kisasa wa mitandao ya simu za mezani na mkononi ambapo sauti na data zinapatikana kupitia teknolojia za CDM, GSM na LTE na kuongeza ubora wa huduma ya mawasiliano.

Alisema mfumo huo unachukuliwa kama moyo wa Mawasiliano kupitia Teknolojia ya Habari na Mawasiliano (TEHAMA), hasa katika Ukanda wa Afrika Mashariki na Kati na utakidhi mahitaji ya teknolojia ya karne ya 21 kwa wateja wetu.

“Pia mfumo huu unalenga kutoa huduma kwa haraka kwa wateja wetu na utatoa huduma nyingi na kwa urahisi ili kuyafikia makundi mbalimbali ya wateja wake,” aliongeza.

Aliongeza pia wateja wa simu hizo watapata huduma kwa mteja kwa njia ya data na sauti kupitia mfumo mpya unaojumuisha malipo ya baada kwa ujumla.

Alisistiza kwamba mfumo huo utaleta uwazi zaidi katika ulipaji wa malipo ya baada na kukidhi mahitaji ya makundi mbalimbali na watu binafsi.

Naye Meneja wa Kanda ya Dar es Salaam Kaskazini wa Kituo cha Huduma kwa Mteja wa kampuni hiyo, Bw. Karim Bablia alisema mfumo huo imesaidia kuingiza teknolojia mpya ya mawasiliamo simu za mezani na mkononi ambayo haikuwepo Afrika Mashariki.

“Hii imesaidia huduma ya malipo ya baada na inaambatana na punguzo na pia  itasaidia wateja kupata taarifa kwa wateja njia ya mtandao kupunguza malalamiko mbalimbali,”aliongeza Bw.Bablia.

Alisema hatahivyo itasaidia kupunguza gharama za uendesjai kutokana na upatakanaji wa teknolojia hiyo mpya ambayo hurahisisha mawasiliano.

Pia alisema miongoni mwa huduma zinazoambatana na mfumo huo ni pamoja na kuondoa mfumo wa namna ya kupiga simu kwa wateja wa malipo ya kabla ambao ulikuwa unausumbufu kwa wateja wa malipo hayo.

Alisema kwa sasa kadi (Vocha) moja itatumia kulipia huduma zote za malipo ya kabla ikilinganishwa na kadi mbili zilizokuwa zikitumika hapo awali na pia kadi hiyo itatumika kulipia malipo ya baada.

Pia wateja wataweza kuptaa huduma ya taarifa binafsi kwa mteja kupitia mtandao kama kuangalia malipo ya baada au bili kuongeza salio, kutoa taarifa za malalamiko na kununua huduma na kuhamisha salio bila kizuizi.

Kampuni hiyo ni ya Serikali na inatoa huduma ya mawasiliano na imejidhatiti kuzidi kuanzishaji bidhaa mpya zenye bei nafuu,na wateja kuwa na uhakika wa kupata taarifa mbalimbali kupitia mtandao na huduma za kibinafsi.

Mwisho.